Xildhibaan
Aadan Kishbur oo ka mid ah xildhibaanada ka soo jeeda gobalka Bay
ayaa sheegay in xalay xilli uu ku socday waddada Suuqa Xoolaha ee
Baydhabo uu la kulmay rasaas kaga soo dhacday dhinaca dambe ee gaarigii
uu la socday, iyadoo ciidamadii illaalada u ahaana ay rasaas kale
ku jawaabeen.
Rasaastii
ay soo rideen kooxihii ka soo hor jeeday ayuu sheegay xildhibaanku
in ay dishay xubin ka tirsan waaxyada CID-da oo meesha ka agdhawaa.
Xildhibaanku
ayaa sheegay in laf ahaantiisa uu ku jahwareeray in weererka isaga
loo la dan lahaa iyo in sidoo kale lala rabay sarkaalka la dilay.
Arrimahaasi
ayuu sheegay in uu kala hadlay xildhibaanku taliska nabad galyada
Baydhabo oo haddana ay socdaan baaritaano la xiriira arrimahasi.
Baydhabo
waxa waayahanba ka dhacayay weeraro lagaga soo hor jeedo dowladda
Somalia iyo ciidamada Ethiopia.
