Last
Updated Wed, Dec.12 2007 08:00 am-Mogadishu Somalia
Xaaladda
tuulada Xaaji Cali oo ay dagaallo ka dhaceen oo maanta degan
Click
here to find news in English Shabelle airs news in English
Mogadishu 12,
Dec. 07 ( Sh.M.Network)-Xaaladda
tuulada Xaaji Cali oo ka tirsan degmada Cadalle ee gobalka Shabellaha
Dhexe ayaa maanta dagan ka dib markii shalay ay ka dhaceen dagaal
qaraar oo sababay geerida in ka badan 10 ruux ayna ku dhaawacmeen
tiro kale oo intaa ka badan.
Guddoomiyaha
degmada Cadalle Muxudiin Cali Ciyow ayaa Shabakadda warbaahinta
ah ee Shabelle u sheegay in guddi ay u direen deegaankii lagu dagaallamay
ay ku guuleysteen in ay xabad joojin dhex dhigaan dhinacyadii dagaallamay.
Guddoomiyihu
waxa uu sheegay in ay sidoo kale ay rajo ka qabaan in beelaha walaalaha
ah ee wada dega gobalka Shabellaha Dhexe ay wada gaari doonaan heshiisyo
dhameystiran maadaama hadda xabad joojin ay ku dhawaaqeen.
Dagaalladii shalay ka dhacay tuulada Xaaji Cali
waxa ku dhintay inta la ogyahay 11 ruux waxana ku dhaawacmay tiro
kale oo ka badan, iyadoo dagaalkaasina uu salka ku hayay is qab
qabsi deegaan iyo aanooyin qabiil.
Dagaalkaasi waxa lagu tirayay mid ka mid ah dagaaladii
ugu xumaa ee beello wada daga gobalka uu ku dhex maro halkaasi muddo
sanado ah.
