Click here to find news in English
Shabelle airs news in English
Baladweyne 12, Dec. 07 ( Sh.M.Network)-3 ruux ayaa ku dhaawacantay qarax miino oo duhurkii maanta ka dhacay bartamaha magaalada Baladweyne kaas oo lagu weeraray kolonyo gaadiid oo uu lasocday guddoomiyaha gobalka Hiiraan Yuusuf Axmed Hagar Daba Geed.

3da ruux ee dhaawactay ayaa labo ka mid ah ay ahaayeen dad rayid ah oo ka ag dhawaa xaafadda H/wadaag ee Baladweyne oo uu qaraxu ka dhacay, iyadoo ruuxa kalena uu ah kamid ahaa illaalada guddoomiyaha Hiiraan Daba Geed.

Dadka dhaawacmay ayaa waxa uu dhaawacyadooda isugu jira dhaawacyo fudud iyo kuwa culus intaba.

Xilligii uu qaraxu dhacayay oo ahayd abaaro 12 kii duhurnimo ee maanta ayaa guddomiyaha Hiiraan Daba Geed waxa uu ku guda jiray kor meel uu ku samaynayay xabsiyada iyo saldhigyada degmada.

Dadka ayaa kala yaacay markii uu dhacay qaraxa oo ahaa mid xoogan, waxana durba goobta isku gadaamay ciidamo isugu jira Melateri iyo Boolis.

Guddoomiye Daba Geed ayaa ka gaabsaday in uu ka hadlo weerarkaas, hasa yeeshee waxa durbaba kulan arrimahasi ku aaddan isugu yimid magaalada Baladweyne, maamulka Hiiran, kan degmada iyo taliska ciidamada, kaas oo ku saabsan sidii amniga degmada wax looga qaban lahaa.

Waa weerarkii labaad ee guddoomiyaha Hiiraan lagu qaado tan iyo markii mar kale dib loogu soo magacaabay in uu noqdo guddoomiyaha gobalka Hiiraan Yuusuf Daba Geed.

Click here to find news in English

Halkaan ka dhageyso warar ku baxaya luuqadda English ka


Shabelle Media Network Somali

Cumar Kiyow

E-mail us: info@shabelle.net
Email Us: news@shabelle.net