Last
Updated Thur, Dec.13 2007 08:00 am-Mogadishu Somalia
In
ku 20 madfac oo lagu weeraray xarumo ay ciidamada Ethiopia iyo kuwa
Somalida ay Muqdisho ku leeyihiin
Click
here to find news in English Shabelle airs news in English
Mogadishu 13, Dec.
07 ( Sh.M.Network)-In
ka badanillaa iyo 16 hoobiye ayaa lagu weeraray maanta abaaro 2dii
duhurnimo xerooyinka Guul wadayaasha iyo Gaashaandhiga oo ay degan
yihiin ciidamada Ethiopia iyo kuwa Somali ah.
Madaaficdan
oo si darran Muqdisho looga maqlayay maanta ayaa waxa ay ahaayeen
kuwo is daba joog ah, waxana lagu weeraray xarumhaasi oo ay dagan
yihiin ciidamada Ethiopia iyo kuwa booliska dowladda Somalia.
Ma
cadda illaa iyo hadda qasaaraha uu geystay weerarkaasi.
Taliyaha
ciidamada xerada Guul wadayaasha oo ay ku sugan yihiin ciidamo ka
tirsan booliska dowladda Somalia ayaa gaashaanle C/qaadir Max'ed
C/laahi Ina Codweyne oo wax yar ka dib weerarkaasi idaacadda Shabelle
la hadlay ayaa sheegay in ay jiraan weeraradaasi hasa yeeshee aan
wax dhibaato ah geysan.
Gaashaanle
Dhexe Ina Codweye ayaa intaa ku darray in madaafiicdu ay ku dhacday
meel banaan ah oo aaney ciidamo ku sugnayn.
Ma jirto wax war ah oo intaa ka badan oo uu bixiyay taliyaha.
Dhinaca kale qarax xoogan ayaa waxa uu ka dhacay agagaarka xero
Jarmal ee waddada Warshadaha ee Muqdisho, halkaas oo la sheegay
in ay ciidamo lugeynaya oo Ethiopian ah ay soo galeen .
Lama
xaqiijin qasaaraha dhabta ah ee uu geystay qaraasi, hasa yeeshee
waxa la sheegayaa in ay jiraan dhaawacyo aan la xaqiijin waxa ay
yihin.
Weeraradan
ayaa waxa ay ku soo beegmayaan xilli maanta la shaaciyay in ciidamo
aad u fara badan oo ka tirsan kuwa dowladda Somalia oo tababaro
ku soo qaatay Ethiopia lagu bedelay fariiisimo ay ciidamada Ethiopianku
ka baneeyeen qeybo ka mid ah degmada Hodan.
