Last
Updated Thur, Dec.13 2007 08:00 am-Mogadishu Somalia
Sarkaal
ka tirsan nabad sugidda iyo dumaashidiisa oo Baydhabo lagu dilay
Click
here to find news in English Shabelle airs news in English
Baidoa 13,
Dec. 07 ( Sh.M.Network)-Kooxo
hubeysan ayaa xalay fal dil ah ugu geystay magaalada Baydhabo sarkaal
ka tirsan hay’adda nabad sugidda qaranka isaga iyo gabar la
sheegay in ay aheyd dumaashidiisa.
Ma
cadda kooxda dilka geystay, hasa yeeshe markii uu falkani dhacayay
ayay labadani ruux waxa ay ka soo dukaameysteen suuqa Baydhabo,
iyagoo ku sii jeeday guryahooda oo ku yaallay xaafadda Mursan ee
degmada Baydhabo.
Sarkalkan
oo magaciisa lagu sheegay Aadan Jiidday, ayaa meydkiisa in yar yiilay
halkii lagu dilay waxana goor dambe meesha soo gaaray ciidamada
booliska oo watay dhowr gaari o meydka labada ruux halkaasi ka qaaday.
Ibraahim
Xaashi Gaabow oo ah sii hayahaha maamulka gobalka Bay ahna taliyaha
qeybta Booliska oo Shabelle ay la xirirtay ayaa ku tilmaamay in
falkaasi uu yahay mid laga soo min guuriyay Muqdisho.
Ibraahim
Xaashi ayaa sheegay in ay ku raadjoogaan kooxihii dilka geystay.
Dilka
sarkaalkaasi iyo gabadha la sheegay in ay dumaashidiisa aheyd, ka
dib waxa magaalada oo dhan lagu soo daadiyay ciidamo boolis ah kuwaas
oo dadka ku amrayay in ay xiraan goobahooda ganacsi oo ay xaroodaan.
Maalmahan
waxa Baydhabo oo ka mid aheyd magaalooyinka dhinaca nabad galyada
dhaanta magaalooyinka kale ee K/Somalia ayaa hadda u muuqaneysa
mid faraha ka sii baxeyso.
