Last
Updated Thur, Dec.13 2007 08:00 am-Mogadishu Somalia
Midowga
Yurub oo bayaan ka soo saaray xaaladda Somalia
Click
here to find news in English Shabelle airs news in English
Mogadishu 13,
Dec. 07 ( Sh.M.Network)-Ka
dib markii ay soo gabogabeeyen kulan ay ku lahaayeen magaalada Brussels
ee dalka Belgium midawga yurub ayaa soo saaray qodobo aa uga hadlayaan
arimaha dalka Somalia iyo fikirkooda ku aaddan Somalia.
Bayaan ka soo baxay kulankooda 2839 ka dib ayay golaha midowga Yurub
ay ugu horeyn ku sheegeen in midawga yurub uu walaac ka muujinayo
xaaladda ka jirta dalka Somalia markii ay yeesheen kulankoodii 2839
, iyagoo sheegay inay aad uga xun yihiin xaaladda aay ku sugan yihiin
dad fara badan oo Somali ah oo ka bara kacay magalada caasiamda
ah ee Muqdisho.
Goluhu waxa uu sidoo kale uu soo dhaweynayaa magacaabidda Ra’isal
wasaare Nuur Xasan Xuseen Nuur Cadde , iyagoo ku tilmaamay magacaabista
Rw cusub inay tahay fursad looga gudbi karo caqabadaha ka jira dalka
Somalia.
Goluhu waxa uu ugu baaqayaa ra’isil wasaaraha dowladda KMG
inuu isku dayo inuu wada hadal ku dhameeyo dhibaatooyinka ka jira
dalka Somalia isla markaan wada hadalka aa ka qeyb galaan dhamaan
kooxaha isku haya siyaasadda dalka Somalia.
Goluhu waxa uu ka rajeynayaa dowladda KMG ah iyo ciidamada Ethiopia
ee ku sugan Somalia inay xaqiijiaan in wado loo helo gargaarka la
gaarsiinayo dadka ka cararay magaalada Muqdisho.
Bayaanka ayaa lagu sheegay oin goluhu uu ugu baaqayo dowlada kmg
ah inay qadariso bini aadanimada.
Goluhu waxa uu ku casuumayaa dhamaan wadamada xubnaha ka ah midawga
yurub iyo Somalida ku nool dibadaha inay gacan ka geystaan dadaalada
nabadda loogu soo celinayo dalka Somalia.
Goluhu waxa uu taageerayaa ciidamada midawga Afrika ee ku sugan
Somalia oo ay u arkaan inay ku haboon yihiin ilaalinta amaanka Somalia,
iyagoo ugu baaqaya beesha caalamka inay gacan siiyaan ciidamadaasi
si amaanka ay usugaan.
