Last
Updated Thur, Dec.13 2007 08:00 am-Mogadishu Somalia
Dagaal
qasaare sababay oo ka dhacay Yaaqshiid
Click
here to find news in English Shabelle airs news in English
Mogadishu 13,
Dec. 07 ( Sh.M.Network)-Dagaal
ayaa maanta waxa uu ka dhacay qeybo ka mid ah degmada Yaaqshiid
ee gobalka Banaadir kaas oo u dhaxeeyay ciidamada dowladda Ethiopia
iyo kooxaha wax iska caabinta.
Dagaaladan
ayaa waxa uu ka dhacay waddada dheer ee Carafat, halkaas oo la isku
adeegsady hub cul culus sida ay sheegeen dadka deegaanka.
Ilaa
iyo hadda inta la ogyahay 3 ruux oo rayid ayaa ku dhaawacantay madaaficdii
la is weydaarsanayay, iyadoo aan la xaqiijin qasaarihii kale ee
soo gaaray dhinacyadii iska hor imaadka u dhexmaray.
Dagaalka
ayaa billowday ka dib markii ciidamo aad u fara badan oo Ethiopian
ah ay saaka 10 kii barqanimo ku soo faafeen xaafadaha ku harereysan
waddada Coca-Cola iyo Cisbitaalka Carafaat ee Muqdisho, halkaas
oo uu dagaalka ku qabsaday.
Dagaalka
ayaa la tilmaamay in uu iskiisa u istaagay duhurkii maanta ka dib
markii ciidamadii Ethiopianka ahaa ay dib ugu laabteen xerooyinkoodii
warshaddii baastada iyo Stadium Muqdisho oo markii hore ay ka soo
baxeen.
