Click here to find news in English
Shabelle airs news in English
Mogadishu 14, Dec. 07 ( Sh.M.Network)-Askari ayaa ku dhaawacmay ka dib markii saaka weerar miino lagu qaaday gaarigii uu lahaa taliyaha ciidamada booliska qeybta galbeed gaashaanle dhexe C/laahi Xasan Bariise kaas oo ka dhacay degmada Dharkeynlay ee gobalka Banaadir.

Weerarkan oo dhacay abaaro 9kii subaxnimo iyo qadar daqiiqado ah ayaa waxa lala eeganayay sida muuqatay gaari uu watay taliyaha ciidamada booliska qeybta galbeed gaashaanle Bariise, iyadoo qaraxaasina si xoogan magaalada looga maqlay.

Bariise oo Shabelle ay la xiriirtay ayaa sheegay in askari uu kaga dhaawacmay weerarkaasi islamarkaasina uu bur bur soo gaaray gaarigii uu lahaa taliyaha.

Gaashaanle dhexe Bariise waxa uu intaa ku darray in ay soo qabteen ruuxii miinada dhulka ku aasay,islamarkaasina dhawaan sharciga ay hor geyn doonaan.

Waxaa uu sheegay taliyaha in ay hadda wadaan baaritaano ku aaddan weerarkaasi.

Waa weerarkii 3 oo muddo 30 maalmood gudahooda lagu qaado taliyahaasi, iyadoo muddo labo jeer oo hore taliyaha gaarigiisa sidan oo kale loo weeraray.

Click here to find news in English

Halkaan ka dhageyso warar ku baxaya luuqadda English ka


Shabelle Media Network Somali

E-mail us: info@shabelle.net
Email Us: news@shabelle.net