Xerooyinka
Nasiib iyo Duban Subagle e duleedka magaalada Baladweyne oo ay ku
jiraan dad ka soo barakacay meelo kala duwan ayaa waxa ku geeriyooday
24 kii saac ee la soo dhaafay illaa iyo seddex caruur ah.
Sida
ay warbaahinta u sheegtay Magaalo Max’ed Xuseen Magaalo Duuray
oo ah hor joogaha xerooyinkaasi, caruurtani ayaa u dhimatay nafaqo
darro iyo macluul kale.
Xerooyinkan
ayaa waxa ku jira illaa iyo 1,200 oo qoys kuwaas oo ka soo barakacay
gobalada Bay, Bakool, deegaanada Ismaamulka Somalida ee Ethiopia
iyo Muqdisho.
Qoysaskan ayaa hadda ka cabanaya dhibaatooyin ay
ugu weyn tahay cudurada Shuban biyoodka iyo duumada oo aaney jirin
cid wax u qabaneysa.
Waxa
ay hay’adaha gar gaarka ka dalbadeen in lala soo gaaro gar
gaar bini aadanimo si wax looga qabto nolosha caruur iyo dad kaloo
waayeello ah oo u baahan xanaaneyn gaar ah.
