Last
Updated Sati, Dec.15 2007 08:00 am-Mogadishu Somalia
Qeybo
ka mid ah degmada Yaaqshiid oo degan saaka
Click
here to find news in English Shabelle airs news in English
Mugadishu 15,
Dec. 07 ( Sh.M.Network)-Xaafadda
Jungle iyo qeybo ka mid ah degmada Yaaqshiid oo maalmahan ay ka
dhacayeen iska hor imaadyo ayaa degan saaka, iyadoo dadkii ku xanibnaa
qaarkood deegaanadaasi ay isku dayayaan in ay meesha isaga baxaan.
Ma
jirto illaa iyo hadda wax iska hor imaad ah oo deegaanadaasi ka
dhacaya, iyadoo ciidamada Ethiopianku ay gabi ahaanba diideen in
gaadiidka uu isticmaalo waddada dheer ee warshadaha oo shalayna
ay dad rayid ah ku rasaaseeyeen ciidamadaasi.
Dadka deegaanka qaar ayaa ka cabsi qaba haddii ay dibadda u soo
baxaan in ay ciidamadaasi wax yeeleeyaan iyadoo shalay ay ciidamadu
dileen dhowr dad ah oo doonayay in ay deegaanadaasi ka baxsadaan,
kuwaas oo ay ku jiraan hooyo iyo wiil ay dhashay.
Xaafadda Jungle ee degmada Yaaqshiid iyo qeybo kale oo ka tirsan
degmadaasi ayaa waxa ka dhacayay labadii maalin ee la soo dhaafay
iska hor imaad u dhaxeeyay ciidamada Ethipia iyo kooxaha wax iska
caabinta, iyadoo xaafadaahasi qaar laga helay meydad dhowr ah oo
la tilmaamay in ay ciidamada Ethiopian ku toogteen.
