Last
Updated Sun, Dec.16 2007 08:00 am-Mogadishu Somalia
DBG
oo Iskuulo iyo deeqo kale ugu deeqday dad ka barakacay Muqdishu
Click
here to find news in English Shabelle airs news in English
Mogadishu 16,
Dec. 07 ( Sh.M.Network)-Hay’adda
Daryeel Bulsho Guud DBG ayaa dugsiyo ka dhistay islamarkaana deeqo
kala duwan gaarsiisay deegaano iyo tuulooyin ka kala tirsan gobalada
Shabellaha Dhexe iyo Shabelleha Hoose.
Hay’addan
DBG waxa ay dhawaantan soo gabo gabeysay dhismaha labo iskuul oo
ay ka kala dhistay deegaanada Carbiska iyo Ceelasha Biyaha ee degmada
Afgoye kuwaas oo ay hay’addu ugu tala gashay in ay ka faa’ideystaan
ardeyda ka barakacday xaafadaha Muqdisho ee wax barashadooda waayay.
Cabdi
Xasan Xaamud oo ka mid ah howl wadeenada DBG ayaa Shabelle u sheegay
in dhismaha dugisyadan wax barasho ay qeyb ka tahay qorshe ay hay’addu
ku dooneyso in ay wax kaga qabato wax barasho la’aanta soo
food saartay ardayda ay wax barashadooda saameynta ku yeelatay iska
hor imaadyada Muqdisho.
Waxa
kale oo uu howl wadeenkani tilmaamay in deegaano iyo tuulooyin ku
yaall gobalada Shabellaha dhexe iyo Shabellaha Hoose ay hay’addu
gaarsiisay raashiin isugu jira bariis, digir iyo saliid, iyadoo
ay intaa u dheereyd bacaha roobka celiya iyo maro kaneecooyin.
Hay’adda
DBG oo astaanteeda lagu arko goballo iyo tuulooyin badan oo dalka
ah ayaa sanadihii ugu dambeeyay waxa ay laba laabtay gacantii ay
ufudin jirtay dad tabaaleysan si ay uga jawaabto qeybo ka mid ah
baahida ay qabaan.
